Mataevtar isi: Kýágerler Ulttyq baspasóz klýbynyń astyrtyn áreketterin aıtty
ASTANA. QazAqparat - Astanada Seıitqazy jáne Áset Mataevtardyń isi boıynsha kýágerlerden jaýap alý jalǵasýda. Búgin sotta «Qazaqtelekom» AQ jarnama materıaldaryn ornalastyrýmen aınalysqan baspa BAQ ókilderi tyńdaldy.
Tergeýde Seıitqazy Mataev jeke bedelin paıdalanyp «Qazaqtelekom» AQ-nyń strategııalyq basqarý boıynsha bas dırektory Batyr Mahanbetajıevke oǵan kompanııanyń tenderdi utýyna járdemdesý ótinishimen júgingeni anyqtaldy. Seıtqazy Mataevtyń baqylaýyndaǵy «Ulttyq baspasóz klýby» jarnama materıaldaryn ornalastyrýda gazet pen kompanııa arasyndaǵy deldal retinde shyǵýy tıis.
Budan buryn Batyr Mahanbetajıevtiń aıǵaǵynda satyp alý qaǵıdasy boıynsha qosalqy merdigerge berýdi azaıtý qajettigin naqtylaǵan, alaıda Seıitqazy Mataevtyń usynysymen kelisken. Ol óz qyzmetkerlerine oǵan barlyǵy tenderlik qujatqa sáıkes keletindeı ótinim jasaýǵa járdemdesýlerin tapsyrdy. «Qazaqtelekom» AQ-dan S. Mataev 143 mln teńge jymqyrdy.
Osy epızod boıynsha kýáger retinde «Ekspert Kazahstan» JShS jarnama bóliminiń menedjeri Svetlana Semenova shaqyrtyldy. Ol Ulttyq baspasóz klýby «Ekspert Kazahstan» jýrnalyna jarnamalyq materıaldar ornalastyrýǵa qatyspaǵanyn, barlyq jumys «Qazaqtelekom» AQ-men júrgizilgenin málim etti.
«Qazaqtelekom» AQ-men men tikeleı jumys istedim. Ulttyq baspasóz klýbymen jumys istegen joqpyn. Ol jerge tek daıyn qujattardy, shot-faktýra, oryndalǵan jumys aktilerin jiberdim», - dedi kýáger.
Svetlana Semenovanyń aıtýynsha, «Qazaqtelekom» AQ qyzmeti týraly materıaldardy jýrnalǵa ornalastyrǵannan keıin býhgalterııaǵa jarnama berýshi, kólemi men shyǵarý quny kórsetilgen tizilim bergen. Atalmysh shot-faktýra boıynsha jetkizýshi - «UBK» týraly málimet «Qazaqtelekom» AQ jurtshylyqpen baılanys qyzmetiniń qyzmetkerlerinen alyndy.
Kýágerdiń aıǵaqtaryna sáıkes UBK tender ótkizgenge deıin jetkizýshi retinde aıqyndalǵany belgili boldy.
«Alash aınasy» gazetiniń dırektory Aleksandr An «Qazaqtelekom» materıaldaryn JShS qyzmetkerleri, al UBK atyna shot-faktýra tender ótkizgenge jáne «Qazaqtelekom» AQ-men shart jasasqanǵa deıin jiberilgendigin. Budan basqa, tergeý Seıitqazy Mataev jarnama materıaldaryn ornalastyrý boıynsha kórsetilgen qyzmetter qunyn kótergeni anyqtaldy. Al aıyrma aqshany qoldy etip, óz qajetine jumsaǵan.
