Mataevtar isi: Kýágerler «QazTAG-tyń» zań buzýshylyqtary týraly aıtty
ASTANA. QazAqparat - «QazTAG» HAA» JShS-i memlekettik satyp alý shartyn óreskel buzǵany týraly sottaǵy kýágerlerdiń sózinen málim boldy. Baılanys, aqparattandyrý jáne aqparat komıtetiniń baspa BAQ basqarmasynyń burynǵy sarapshysy Aıjan Baıtanova atalǵan basqarmaǵa 2015 jyly qańtarda jumysqa ornalasqan.
Sarapshy retinde onyń mindetiniń biri - ǵalamtor resýrstarda jarııalanǵan materıaldardyń esebi men aktilerin tekserý bolǵan. Jumysqa kirisken maman kóp uzamaı «QazTAG»-tyń tarapynan oryn alǵan zań buzýshylyqtardy anyqtaıdy. Sotqa qatysa almaýyna oraı A. Baıtanovanyń sotqa bergen túsinigin sýdıa Aqbolat Qurmantaev oqyp berdi.
«Men «QazTAG»-tan kelgen esepti tekserip otyryp, agenttik jarııalaǵan jańalyqtardyń aqyly negizde ekenin kórdim. Ár jańalyqty oqý 5 myń teńge turady. Buǵan qosa, esepterde kórsetilgen jańalyqtar tek qazaqtandyq BAQ-tarda jarııalanypty. Ortaazııalyq elderdiń aqparattyq agenttikteriniń eshqandaı jańalyqtary joq. Bul zańdy óreskel buzý bolyp tabylady. Óıtkeni «QazTAG» HAA» JShS-gi tehnıkalyq erekshelikterge sáıkes, kem degende tórt ortaazıaılyq memlekettiń aqparat agenttikterine materıal jarııalaýy tıis bolǵan. Sonymen qatar, agenttik aqparattyq habarlardy óz saıtynda aqysyz negizde jarııalaýǵa tıis edi. Salystyryp qarasaq, 2015 jyly memlekettik aqparattyq saıasatty júzege asyrýǵa qyzmet kórsetken basqa áleýetti jetkizýshiler bul talapty buzbaǵan. Mysaly, «Kazakhstan Today», «Nur.kz»,«Vlast.kz», «Zakon.kz»,«Matritsa.kz» sııaqty BAQ-tar aqparattyq materıaldardy ashyq tártippen, aqysyz negizde jarııalady»,- delingen A. Baıtanovanyń sotqa bergen túsiniginde.
Aıta ketelik, kýáger A. Baıtanovanyń sózin áriptesi Dınara Berdeshova da rastady. Aqparat jáne muraǵattar komıtetiniń memlekettik satyp alý jónindegi basqarmasynyń burynǵy sarapshysy D. Berdeshova atalǵan komıtet pen «QazTAG» HAA» JShS-giniń arasynda zańsyz shart jasalǵanyn aıtady. «2010 jyldyń naýryzynan 2011 jyldyń qarashasyna deıin men Aqparat jáne muraǵat komıtetiniń Memlekettik satyp alý basqarmasynda sarapshy bolyp jumys istedim. 2010 jyly 19-ynshy mamyrda komıtet tóraǵasy B. Bersebaevtyń buıryǵymen konkýrstyq komıssııa qurylyp, konkýrstyq qujattama bekitildi. Onyń ishinde áleýetti jetkizýshilerge arnalǵan tehnıkalyq erekshelikter de boldy. Men bul konkýrsta hatshylyq qyzmet atqardym. Buıryq bekitilgen soń men ony memlekettik satyp alý veb-portalyna ornalastyrdym. Konkýrs nátıjesinde 2010 jyly 6-ynshy tamyzda №67, 69 lottar boıynsha konkýrs ótkizilmegen bolyp esepteldi. Sebebi atalǵan lottar boıynsha jarııalanǵan konkýrsqa eshkim qatysqan joq. Al 2010 jyly 17-inshi tamyzda komıtet tóraǵasy B. Bersebaev konkýrs ótkizilmegen lottar boıynsha «bir kózden» qarjylandyrýǵa memlekettik satyp alý jóninde sheshim qabyldady. 2010 jyly 25-inshi tamyzda komıtet pen «QazTAG» HAA» JShS-gi arasynda atalǵan lottar boıynsha jalpy quny 20 mln. teńgeni quraıtyn №222 shart jasaldy. Komıtettiń mundaı shartty jasaýǵa quqyǵy joq bolatyn, sebebi «QazTAG» HAA» JShS-gi bul konkýrsqa qatyspady»,- delingen kýágerdiń sózinde.
Ámirlan Álimjan
