Mataevtar isi: advokattar sotta qoldaýhat bergen joq
ASTANA. QazAqparat - Seıitqazy Mataev pen onyń uly Áset Mataevtyń isi boıynsha sot talqylaýy Astana qalasy №2 Esil aýdandyq sotynda bastaldy. Buǵan deıin habarlanǵandaı, sot protsesi ashyq ótedi, jýrnalıster sot zalynan tikeleı efırde kórsetiletin jeke baspasóz zalynda jumys isteıdi.
Sot aldyna shyqqan onyń advokattary birden qandaı da bir qoldaýhattary joq ekenin aıtty. Barlyq qajetti rásimderden keıin memlekettik aıyptaýshy sóz aldy.
Onyń aıtýynsha, 2010-2015 jyldar aralyǵynda Seıtqazy Mataev birneshe ret jáne Áset Mataev aldaý, senimdi teris paıdalaný jolymen, óziniń qyzmettik babyn paıdalanyp, asa iri kólemde - 169 mln teńge memlekettik satyp alý salasyndaǵy bıýdjettik qarajatty qymqyrǵan. Bul soma memlekettik aqparattyq saıasatty júzege asyrýǵa arnalǵan. Alaıda, Mataevtardyń qaltasyna túsken.
Budan basqa, ákesi - Mataev óziniń jeke bedelin paıdalanyp, «Qazaqtelekom» AQ-nyń 143 mln teńge qarajatyn jymqyrǵan. Odan atalǵan somany óndirip alý talaparyzyn sot zalynda zardap shekken tarap málimdedi. Atap aıtsaq, kompanııa ókilderi bir aýyzdan Mataevqa tender zańsyz berilgenin, oryndalǵan jumys aktisin eshkim teksermegenin aıtty.
Sondaı-aq, Seıtqazy Mataev 200 mln teńgeden astam salyq tólemegen. Alaıda, budan buryn bul somanyń 47 mln teńgesin qaıtaryp bergen.
