Mataev «Qazaqtelekom» tenderine qalaı qatysqany jaıly aıtyp berdi
ASTANA. QazAqparat - Mataevtardyń isi boıynsha sotqa deıingi tergeý barysynda «Qazaqtelekom» AQ basqarma múshesi, strategııalyq basqarý boıynsha bas dırektory Batyr Mahanbetájıev óz túsiniktemesinde baıqaý ótinimderindegi baǵalardyń bekitilgen baspa BAQ praıs-lısterinen emes, S.Mataev qurǵan «UBO» QB mazmundamasynan kórsetilgenin aıtty, dep habarlady Bnews.kz">Bnews.kz tilshisi.
Sonymen birge, kýágerdiń aıtýynsha, «UBO» QB baǵalary bekitilgen baspa BAQ praıs-lısterindegi baǵalardan áldeqaıda joǵary bolǵan.
Batyr Mahanbetájıev oryndalǵan jumys aktilerin teksermegenin moıyndady. S.Mataevtyń ar-ujdanyna sengendikten tekseris júrgizbegenin aıtty. Aqyrynda qyzmetterdiń kóterińki baǵamen jazylǵany anyqtaldy.
Aıyptalýshy Seıitqazy Mataevtyń aıtýynsha, «Qazaqtelekom» únemi jyldyń ekinshi jartysynda tender ótkizgen. ıAǵnı, birinshi jartyjyldyqta AQ jarnamalyq materıaldardy UBO qatysýynsyz, ózderi jarııalaǵan. 2011-2013 jyldar aralyǵynda «Ulttyq baspasóz klýby» QB jyl saıyn jyldyń ekinshi bóliginde telekommýnıkatsııa saıasatyn nasıhattaý boıynsha qyzmet kórsetýge tender alyp otyrǵan.
«Jyldyń alǵashqy aılarynda «Qazaqtelekom» gazet redaktsııalarymen aqysyn keıin tóleýge kelisip, jarnamalyq modýlderdi jarııalap otyrǵan. Jyldyń ekinshi jartysynda biz tender jeńimpazy atandyq jáne «Qazaqtelekom» aýyzsha kelisim arqyly materıaldar jarııalaǵanyn aıtyp, kelisimshart aıasynda aqysyn tóleýdi suraıtyn», - dep sotqa habarlady S.Mataev.
Jarııalanǵan materıaldardyń úlken kólemin eskere otyryp, tapsyryspen jazylǵan materıaldardy jarııalaýda BAQ redaktsııalary Mataevqa praıs-lıst qunynan 30-50% jeńildikter jasaǵan. Tergeýshilerdiń anyqtaýynsha, jeńildikten túsken aqshany jumys barysyn uıymdastyrýǵa ketti dep S.Mataev ózi ıemdengen.
Alaıda, búgingi sot talqylaýynda S.Mataevtyń bir jarym jyl boıy «Qazaqtelekom» AQ ilgeri damytý barysyna esh qatyspaǵany, biraq jarııalanym aqysyn kesh tóleý dástúriniń arqasynda redaktsııalyq jeńildikten túsken aqshany ózine alyp otyrǵany belgili boldy.
Osylaısha, sońǵy bir jarym jyl ishinde «Qazaqtelekom» AQ jarnamalyq-aqparattyq materıaldaryn jarııalaý jumystaryn Qazaqtelekom qyzmetkerleri atqaryp keldi, al aktsıonerlik qoǵam tólegen tolyq somanyń 30 paıyzdan 50 paıyzǵa deıingi bóligi Seıitqazy Mataevqa aýdarylyp otyrǵan.
