Massachýsets shtatynda qar adamynyń aıaǵy tabyldy
ASTANA. 23 sáýir. QazAqparat - Massachýsets shtatynda eki jasóspirim erekshe oljanyń ústinen shyqty. Olar naýryz aıynyń sońynda ormanda serýendep júrip, shirigen alyp aıaqqa tap bolady.
Daily Mail basylymynyń jazýyna qaraǵanda, bul qar adamynyń shynymen-aq bar ekeniniń naqty dáleli bolýy yqtımal. Ol Bostonnyń ońtústik shyǵysynda 10 shaqyrym jerde ornalasqan Kýınsı qalasynyń mańynda tabylǵan. Óz tapqandaryn jasóspirimder birden tártip saqshylaryna habarlaǵan.
Jergilikti polıtseıler ábden shirigen súıek qaldyqtarynyń shyqqan jerin anyqtaý úshin ony sarapshylarǵa jóneltti. Mamandar tabylǵan aıaq adamǵa tıesili emes degen qorytyndyǵa keldi. Al bes saýsaqtyń bolýy olardy da tańdandyryp otyr.
