Mass-medıadaǵy taýarlardyń keıbir túrine salynǵan tyıym kúshin joıýy múmkin

ASTANA. KAZINFORM — Mass-medıadaǵy keıbir taýarlardyń jarnamasyna salynǵan tyıym ishinara alyp tastalýy múmkin. Bul týraly Premer-mınıstrdiń orynbasary, Mádenıet jáne aqparat mınıstri Aıda Balaeva Úkimet otyrysynda málim etti.

— Halyqtyń medıa saýattylyǵyn arttyrý jáne táýelsiz BAQ-ty qoldaýǵa erekshe nazar aýdarylady. Bul baǵytta salalyq jýrnalıstıka komıssııasy jáne basqa da tetikter arqyly tıisti jumystar júrgiziledi. Sondaı-aq, onlaın platformalar men BAQ arasyndaǵy jarnama bólý, keıbir taýarlardy jarnamalaýǵa tyıymdy ishinara alyp tastaý múmkindikteri zańnama turǵysynan qarastyrylady, — dedi mınıstr.

Eske salsaq, keshe Ulttyq quryltaıdyń aqyrǵy otyrysy ótip, jasóspirimderdiń áleýmettik jelidegi belsendiligin retteýmen baılanysty usynys aıtylǵan edi. 

Buǵan deıin Úkimet jarnamany tańbalaý júıesine jańa túzetýler engizip jatqanyn jazǵan edik.