Máslıhattardyń normashyǵarmashylyq qyzmetke tartylǵan mamandarynyń biliktiligi tómen - Nazarbaeva

NUR-SULTAN. QazAqparat - Máslıhattardyń normashyǵarmashylyq qyzmetke tartylǵan mamandarynyń biliktiligi tómen. Bul týraly búgin Qazaqstan máslıhattarynyń 25 jyldyǵyna arnalǵan respýblıkalyq konferentsııada QR Parlamenti Senatynyń Tóraǵasy Darıǵa Nazarbaeva aıtty, dep habarlaıdy QazAqparat tilshisi.

«Osy jyldyń 9 aıynda ǵana prokýratýra organdary ákimdikter men máslıhattar qabyldaǵan 608 quqyqtyq aktini qabyldanǵan zańdarǵa saı kelmeýine baılanysty joıdy jáne ózgertti. Bul tsıfrlar normashyǵarmashylyq qyzmetke tartylǵan mamandardyń biliktilik deńgeıiniń tómen ekendigin kórsetedi. Máslıhattar qajetti kadrlarmen, uıymdastyrýshylyq jáne qarjylyq resýrstarmen qamtamasyz etilýi tıis»,- dedi Darıǵa Nazarbaeva.

Onyń atap ótýinshe, jergilikti ózin-ózi basqarý jergilikti problemalardy sheshýge qoǵamdy belsendi tartý degendi bildiredi. Osy oraıda ol qoǵamdyq paıda ákelýge daıyn jáne ony qalaıtyn bastamashyl azamattardyń sany artyp kele jatqanyn aıtty.

«Bul máslıhattardyń qyzmetteri barynsha jarııa jáne ashyq bolýy tıis ekendigin bildiredi. Oryn alyp otyrǵan problemalardy halyqpen ashyq talqylap, azamattarmen birge olardy sheshýge qol jetkizý qajet. Bul rette qazirgi zamanǵy kommýnkatsııalyq tehnologııalar úlken múmkindik beredi», - dedi Senat Tóraǵasy.