Máslıhattardyń eldiń saıası ómirindegi rólin arttyrý kerek - Q.Medıev
Bul týraly búgin Astana qalasy ákimdiginde ótken «Qazaqstan máslıhattary depýtattarynyń birlestigi» respýblıkalyq qoǵamdyq birlestiginiń ІІІ konferentsııasynda atalmysh Birlestiktiń ortalyq keńesiniń tóraǵasy Qasymbek Medıev aıtty.
«Qazaqstan Prezıdenti N.Nazarbaevtyń arqasynda sońǵy jyldary barlyq deńgeıdegi máslıhattardyń bedeli men mańyzy artyp keledi. Máslıhattarǵa berilgen qosymsha ókilettilikter eldiń árbir óńirine jaǵymdy úderister alyp keldi. Máslıhattyń ókiletti organdarynyń eldiń saıası ómirindegi rólin arttyrý máselesi de birneshe ret kóterildi. Mundaı ókilettiktermen máslıhat depýtattary saılaýshylardyń múddelerin naqty jetkize alyp, atqarýshy organǵa yqpal ete alýshy edi», - deıdi ol.
Q.Medıev, «Qazaqstan máslıhattary depýtattarynyń birlestigi» respýblıkalyq qoǵamdyq birlestigin qurýdaǵy basty maqsattardyń biri osy bolǵandyǵyn aıtady. Sebebi, oǵan qol jetkizýdiń birden-bir joly barlyq deńgeıdegi máslıhat depýtattaryn biriktirý boldy.
Q.Medıevtiń aıtýynsha, búgingi kúni birlestiktiń 3925 múshesi bar, onyń ishinde 2955-i - depýtattar. Bul Qazaqstandaǵy barlyq máslıhat depýtattarynyń 91 paıyzyn quraıdy.
Qoǵamdyq birlestik eldiń barlyq saıası úrdisterine belsene aralasyp, barlyq deńgeıdegi máslıhattardyń kúsh-jigerin osy baǵytqa úılestirýge, memlekettiń júrgizip otyrǵan saıasatyna halyqtyń oń baǵasyn qalyptastyrýǵa yqpal etip keledi.
