Máslıhattardan shyǵyp qalǵan depýtattardyń ornyna 201 kandıdat usynyldy - Meldeshov
Onyń atap ótýinshe, 2017 jylǵy 26 naýryzda Respýblıkanyń 58 saılaý okrýginde bolatyn máslıhattardyń shyǵyp qalǵan depýtattarynyń ornyna saılaýǵa kandıdattardy usyný kezeńi aıaqtaldy. 13 depýtat oblystyq, 9 qalalyq, 36 aýdandyq máslıhattarǵa saılanady.
«Saılaý naýqanynyń barysynda 201 kandıdat, olardyń 63-in - saıası partııalar, 138-si - ózin-ózi usyndy. Usynylǵan kandıdattar ishinde 154 (76,6 %) er adam jáne 47 (23,4 %) áıel adam bar. 65 kandıdat Qazaqstan Respýblıkasy saıası partııalarynyń músheleri bolyp tabylady, 70-i partııa qatarynda joq, 66-sy partııaǵa tıesililigin kórsetpegen. Usynylǵan kandıdattardyń ishinde 6 ulttyń ókili bar. Kandıdattardyń ortasha jasy - 41 jas. 156 (77,6%) kandıdattyń joǵary bilimi, 34-iniń (16,9 %) orta arnaýly bilimi jáne 11-iniń (5,5%) orta bilimi bar»,- dedi ol.
Hatshynyń aıtýynsha, qazirgi ýaqytta máslıhattardyń shyǵyp qalǵan depýtattarynyń ornyna kandıdattardy tirkeý jalǵasýda. Almaty, Atyraý, Shyǵys Qazaqstan, Qaraǵandy, Qyzylorda, Pavlodar oblystarynda tirkeý búgin, 1 naýryzda, al Astana qalasynda 10 naýryzda aıaqtalady. 2017 jylǵy 1 naýryzdaǵy jaǵdaı boıynsha okrýgtik saılaý komıssııalary 184 kandıdatty tirkedi.
Tirkeý merzimi aıaqtalǵan soń tirkelgen barlyq kandıdattar 24 naýryz kúngi saǵat 00:00-ge deıin júretin saılaýaldy úgitke kirisedi. 11 naýryzdan bastap saılaý bolatyn okrýgterdiń saılaýshylary ýchaskelik saılaý komıssııalarynyń úı-jaılarynda saılaýshylar tizimderimen tanysyp, olardaǵy ózi týraly málimetterdi tekserip jáne olarda jiberilgen dálsizdikterdi anyqtaǵan jaǵdaıda, túzetýler engize alady», - dedi Meldeshov.
