Máslıhattarda Nur Otan depýtattarynyń ashyq reıtıngi júrgiziledi
«Óńirlerdegi jumysty kóp jaǵdaıda ákimderden basqa eshkim kórsetip jatqan joq. Jalpy jurtshylyq munda partııanyń qandaı ról atqaratynyn kórmeıdi, óıtkeni depýtattar bul máseleden ózderi shet qalyp otyr.
Máslıhattarda Nur Otan depýtattarynyń jarııa reıtıngin engizý mańyzdy. Azamattar halyqtyń ál-aýqatyn jáne eldegi ómir súrý sapasyn jaqsartý úshin halyq qalaýlylarynyń ne istep jatqanyn kórip, túsinýi tıis. Mundaı sheshim depýtattar jumysynyń tıimdiligin arttyrýǵa yqpal etetinine senimdimin», - dedi Memleket basshysy Nur Otan partııasynyń kezekten tys XXI sezinde.
Buǵan deıin Prezıdent máslıhat depýtatynyń tósbelgisin joǵary kabınetterge ruqsattama dep qarastyrmaý keregin aıtqan edi. Sondaı-aq, Prezıdent qańtar oqıǵalary Nur Otan depýtattarynyń bedeli joqtyǵyn kórsetkenin synǵa aldy.
Aıta keteıik, Nur-Sultanda Nur Otan partııasynyń kezekten tys XXI sezi jabyq rejımde ótip jatyr. Bekitilgen kún tártibine sáıkes, onda – partııanyń Tóraǵasyn saılaý týraly, jarǵyǵa ózgerister men tolyqtyrýlar engizý týraly jáne saıası keńes quramyna ózgerister engizý týraly úsh másele qaralady.
