Máslıhattar depýtattyǵyna kandıdat retinde 135 adam tirkeldi - Ortalyq saılaý komıssııasy
Bul týraly Qazaqstan Respýblıkasy Ortalyq saılaý komıssııasynyń baspasóz qyzmetinen habarlady.
«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 101-baby 4-tarmaǵyna sáıkes aǵymdaǵy jyldyń 29 naýryzynda respýblıkanyń 14 óńirinde 59 saılaý okrýginde máslıhattardyń shyǵyp qalǵan depýtattarynyń ornyna saılaý ótedi. Barlyǵy Astana qalasy máslıhatynyń 1 depýtaty, 8 oblystyq depýtat, 10 qalalyq depýtat jáne aýdandyq máslıhattardyń 40 depýtaty saılanady. Qazirgi sátte kandıdattardy usyný aıaqtaldy. Barlyǵy 196 adam usynyldy. Olardyń 60-yn saıası partııalar usynsa, 136-sy ózin-ózi usynǵandar», delingen habarlamada. Usynylǵan kandıdattardyń 138-i - er adam jáne 58-i - áıel adam. Máslıhattar depýtattyǵyna úmitkerlerdiń ortasha jasy - 42,5 jasty quraıdy, 85,2%-ynyń joǵary bilimi bar. Qazirgi sátte máslıhattar depýtattyǵyna kandıdattar retinde 135 adam tirkeldi. Olardyń 49-y - Qazaqstan Respýblıkasy saıası partııalarynyń músheleri, endi 25-i ózderiniń partııaǵa tıesililigin kórsetpegen. Saılaý naýqany saılaý zańnamasy normalarynyń talaptaryna sáıkes ótýde. Ortalyq saılaý komıssııasyna shaǵymdar men ótinimder kelip túsken joq.
