Máslıhattar depýtattarynyń kezekti saılaýyna kandıdattardy usyný 16 qarasha men 14 jeltoqsan aralyǵynda ótedi - OSK
ASTANA. 16 qarasha. QazAqparat /Aıdar Ospanalıev/ - Máslıhattar depýtattarynyń kezekti saılaýyna kandıdattardy usyný 2011 jyldyń 16 qarashasy men 14 jeltoqsan aralyǵynda ótedi. Bul týraly búgin 5-shi saılanatyn Parlament Májilisi depýtattarynyń kezekten tys saılaýyna baılanysty jýrnalıstermen bolǵan brıfıngte Ortalyq saılaý komıssııasynyń tóraǵasy Qýandyq Turǵanqulov málim etti.
Onyń sózine qaraǵanda, partııalyq tizimder boıynsha saılanatyn Parlament Májilisi depýtattarynyń kezekten tys saılaýynda kandıdattardy usyný búginnen bastalyp, bıylǵy jyldyń 5-shi jeltoqsanyna deıin jalǵasady. Al partııalyq tizimderdi tirkeý 16 qarashadan bastap, 15 jeltoqsanǵa deıin jalǵasady. Sondaı-aq Qazaqstan halqy Assambleıasynan saılanatyn Parlament Májilisiniń depýtattyǵyna kandıdattardy usyný 16 jeltoqsanda bastalady.
