Maslıhatqa ákimniń jumysyna monıtorıng jasaý ókilettigi beriledi - mınıstrlik

ASTANA. QazAqparat – Máslıhattardyń mártebesin arttyrý maqsatynda olarǵa qosymsha ókilettikter beriletin bolady. Bul týraly Ortalyq kommýnıkatsııalar qyzmetindegi brıfngte QR Ulttyq ekonomıka vıtse-mınıstri Baýyrjan Omarbekov aıtty, dep habarlaıdy QazAqparat tilshisi.

«Máslıhattardyń mártebesin arttyrý maqsatynda barlyq deńgeıdegi máslıhattarǵa qosymsha ókilettikter beriletin bolady. Bul ákimderdiń halyqpen kezdesýlerinde kóterilgen problemalardy sheshýine monıtorıng júrgizý, depýtattardyń ákimdiktiń bıýdjettik komıssııalarynyń jumysyna qatysýy, qajet bolǵan jaǵdaıda bıýdjetti naqtylaýǵa bastamashylyq jasaý quqyǵyn beredi. Sondaı-aq, máslıhat tóraǵasynyń jáne máslıhat apparaty basshysynyń ákimshilik jáne uıymdastyrý máseleleri boıynsha ókilettikteri qaralǵan», - dep toqtaldy Baýyrjan Omarbekov.

Sonymen birge brıfıngi barysynda vıtse-mınıstr óńirlerdegi jergilikti organdar úshin júrgiziletin memlekettik satyp alý rásimderi jeńildeıtinin atap ótti.