Máslıhat saılaýy kelesi jyldyń 15-inshi qańtarynda ótetin boldy
ASTANA. 16 qarasha. QazAqparat /Aıdar Ospanalıev/ - Ortalyq saılaý komıssııasy Qazaqstan Respýblıkasy máslıhattarynyń saılaýyn kelesi jyldyń 15-inshi qańtarynda ótkizetin boldy. Búgin Ortalyq saılaý komıssııasy májilis barysynda osyndaı qaýly qabyldady.
Ortalyq saılaý komıssııasynyń tóraǵasy Qýandyq Turǵanqulov májilisten soń bolǵan brıfıngte máslıhat depýtattarynyń kezekti saılaýyn partııalyq tizimder boıynsha, saılanatyn Parlament Májilisi depýtattarynyń kezekten tys saılaýymen qatar ótkizý týraly sheshim qabyldanǵandyǵyn aıta kele: «biz saılaýdy taǵaıyndaý men ótkizýge qatysty normalardy, sondaı-aq bul saılaýlar Prezıdent saılaýy men Parlament Senaty depýtattarynyń saılaýymen bir mezgilde ótkizilmeıtindigi týraly talaptardy tolyq saqtap otyrmyz», -dep atap kórsetti.
