Máslıhat saılaýy: Partııalardyń bıýlletendegi reti jerebe arqyly anyqtaldy
ASTANA. KAZINFORM — Ortalyq saılaý komıssııasynyń otyrysynda saıası partııalardyń ataýlaryn saılaý bıýlletenine engizý tártibi de aıqyndaldy.
Jerebe tartý rásimin OSK múshesi Azamat Aımanakýmov ótkizdi. Saıası partııalardyń ókilderi partııa ataýlarynyń memlekettik tildegi álipbılik tártibimen ústel basyna shaqyryldy. Partııa ókilderi óz qoldarymen partııanyń saılaý bıýlleteninde kórsetiletin rettik nómiri jazylǵan mórlengen konvertterdi aldy.
— Ortalyq saılaý komıssııasynyń otyrysynda ótkizilgen jerebe qorytyndysy boıynsha 2026 jylǵy 29 qarashaǵa taǵaıyndalǵan máslıhat depýtattaryn saılaý kezinde daýys berýge arnalǵan bıýlletende saıası partııalardyń ataýlary mynadaı tártippen ornalastyrylady: 1. «Aýyl» partııasy, 2. «Jalpyulttyq sotsıal-demokratııalyq partııa», 3. «Qazaqstannyń Halyq partııasy», 4. «Respublica» partııasy, 5. «Aq jol» Qazaqstannyń demokratııalyq partııasy, 6. Qazaqstannyń «Baıtaq» jasyldar partııasy, 7. «Ádilet» partııasy. Jerebe qorytyndylary Ortalyq saılaý komıssııasynyń músheleri tarapynan tıisti hattamamen bekitiledi, — dep atap ótti Azamat Aımanakýmov.
Aıta keteıik, máslıhat saılaýynda 10 971 kandıdat tirkeldi.
