Máslıhat saılaýy: astanalyqtar úshin saılaý ýchaskesin bilýdiń 3 joly

ASTANA. KAZINFORM — 29 qarashada Astanada qalalyq máslıhat depýtattaryn saılaý ótedi. Elorda turǵyndary óz saılaý ýchaskesiniń mekenjaıyn onlaın servıster nemese 109 baılanys nómiri arqyly bile alady. Bul týraly Astana qalasynyń ákimdigi málim etti.

Máslıhat saılaýy: astanalyqtar úshin saılaý ýchaskesin bilýdiń 3 joly
Foto: Kazinform\JI

Osy maqsatta onlaın servıster men iKomek biryńǵaı baılanys ortalyǵynyń qyzmeti qoljetimdi, dep habarlaıdy elorda ákimdiginiń resmı saıty.

Saılaý kúni qıyndyq týyndamas úshin turǵyndar saılaýshylar tiziminde óz málimetteriniń bar-joǵyn aldyn ala tekserip, daýys beretin ýchaskesiniń mekenjaıyn naqtylaı alady.

Óz saılaý ýchaskeńizdi kelesi tásildermen bilýge bolady:

• sailau.astana.kz resmı saıty arqyly;
• Telegram jelisindegi «Saılaý Astana» chat-boty arqyly;
• 109 nómirine habarlasyp, iKomek biryńǵaı baılanys ortalyǵy arqyly.

Saılaý kúni ýchaskeńizge jeke basyńyzdy kýálandyratyn qujatyńyzdy alyp barýyńyz qajet.

Aıta keteıik, Prezıdent Qasym-Jomart Toqaev Ortalyq saılaý komıssııasynyń tóraǵasy Nurlan Ábdirovke máslıhat saılaýynda barlyq kandıdatqa teń jaǵdaı jasaýdy tapsyrdy.

Buǵan deıin máslıhat depýtattarynyń saılaýyna qandaı partııalar qatysatynyn jazdyq.

Máslıhat depýtattarynyń kezekten tys saılaýy týraly ózekti jańalyqtardy osy jerden oqı alasyz.