Máslıhat saılaýy: astanalyqtar óz saılaý ýchaskesin qalaı bile alady
ASTANA. KAZINFORM — Astanada 29 qarashada qalalyq máslıhat depýtattarynyń saılaýy ótedi. Elordalyqtar daýys beretin saılaý ýchaskesin qazirden bastap bile alady. Osy maqsatta onlaın servıster men iKomek biryńǵaı baılanys ortalyǵynyń qyzmeti qoljetimdi, dep habarlaıdy elorda ákimdiginiń resmı saıty.
Saılaý kúni qıyndyq týyndamas úshin turǵyndar saılaýshylar tiziminde óz málimetteriniń bar-joǵyn aldyn ala tekserip, daýys beretin ýchaskesiniń mekenjaıyn naqtylaı alady.
Óz saılaý ýchaskeńizdi kelesi tásildermen bilýge bolady:
• sailau.astana.kz resmı saıty arqyly;
• Telegram jelisindegi «Saılaý Astana» chat-boty arqyly;
• 109 nómirine habarlasyp, iKomek biryńǵaı baılanys ortalyǵy arqyly.
Saılaý kúni ýchaskeńizge jeke basyńyzdy kýálandyratyn qujatyńyzdy alyp barýyńyz qajet.
Osydan buryn Ulytaý oblysynda máslıhat saılaýyna 201 kandıdat tirkelgenin jazdyq.
