Máslıhat hatshysy: Tómengi jalaqyny ósirý — qýantarlyq jańalyq
«Joldaýdaǵy qýantarlyq jańalyq - eń tómengi jalaqy 42 500 teńgeden 60 000 teńgege deıin ósirýdi tapsyrdy. Atalǵan tapsyrma 2022 jyldyń 1 qańtarynan bastap iske aspaq. Mádenıet salasy, kitaphanashy, muraǵatshy, tehnıkalyq qyzmetkerlerdiń materıaldyq jaǵdaıy nazardan qalmaı, aldaǵy 5 jylda jalaqyny jyl saıyn 20%-ǵa ósirý týraly tapsyrmasy - elimizdegi 600 myńnan asa qyzmetkerge qoldaý bolmaq», - dedi ol.
Sondaı-aq máslıhat hatshysy aldaǵy ýaqytta depýtattar Prezıdenttiń joldaýyn nasıhattap, halyqqa qarapaıym tilde túsindirý jumystaryna kirisetinin jetkizdi.
«Joldaýdy iske asyrý halyq qalaýlylarynyń da jiti nazarynda bolmaq. Bizdiń tarapymyzdan, ıaǵnı óńirimizdiń 300-den asa depýtattary Joldaýdy bir kisideı júzege asyryp, úlken qalalardan shalǵaı aýyl turǵyndaryna deıin mańyzdy qujatty nasıhattaý - jumysymyzdyń bir baǵyty bolmaq. Ol úshin, máslıhat depýtattary aqparattyq-nasıhattyq top quramyna engizilmek.
Maqsatymyz aıqyn, Joldaýdyń túpki nátıjesi ol árbir qazaqstandyqtyń áleýetiniń artyrýyna baǵyttalǵan. Sebebi memleketimizdiń basty baılyǵy – Qazaqstan halqy»,- dep tolyqtyrdy J. Jórgenbaev.
Aıta keteıik, búgin Memleket basshysy Qasym-Jomart Toqaev Parlament Palatalarynyń birlesken otyrysynda Qazaqstan halqyna arnaǵan Joldaýyn jarııalady. Memlekettiń aldaǵy baǵytyn aıqyndaıtyn bul Joldaýda áleýmettik-ekonomıkalyq damýdyń jańa qadamdaryna jol ashyp otyr.
«Jalpy, Joldaý barysynda Prezıdentimiz aýyl sharýashylyq, tsıfrlandyrý, áskerı sala, densaýlyqpen bilim, sport, óńirlerdiń damýy, gazdandyrý, aýyz-sýmen qamtýǵa qatysty birqatar máselelerdi ashyp jetkizip, bul salalardaǵy maqsat-mindetterdi iske asyrýda birqatar tapsyrmalar berdi. Sonymen qatar, energııanyń jańa kózderi, eńbek qatynastary, kóshi-qonmen demokratızatsııalaý, quqyq qorǵaý salasyn da nazardan tys qaldyrmaı, aldaǵy mindetterdi atap ótti.
Qoǵam arasynda talqyǵa túsken memlekettik til máselesinde kún tártibinen qaldyrmaı, qazaq tilin bilý ol, otanshyldyqtyń belgisi ekenin jetkizdi. Sonymen qatar, qoǵam arasynda beleń alyp bara jatqan áleýmettik jelilerdegi bir kúndik ataqqumarlyq, vaktsınaǵa qarsy eldi úgitteý syndy ózekti máseleler qaýipti qubylys ekenin jáne zııaly qaýym tarapynan osyndaı suraqtar udaıy nazarda bolý qajettigin atap ótti», - dep oıyn qorytyndylady Almaty oblystyq máslıhatynyń hatshysy J. Jórgenbaev.