Máslıhat depýtattyǵyna úmitker kópbalaly otbasyǵa qoldaý bildirdi

NUR-SULTAN. QazAqparat – «Nur Otan» partııasynyń Qazaly aýdandyq máslıhatynyń depýtattyǵyna úmitker Jarylqap Baqytjan Dúzelbaıuly saıası naýqannyń úgit jumystary aıasynda Qazaly qalasyndaǵy kópbalaly ana, jeke kásipker Sharapat Jańagúldiń shańyraǵynda boldy.

​Jas kásipker, kópbalaly ana Jańagúl Qoıshybaıqyzy aspaz bola júrip, 2019 jyly óziniń súıikti isin qolǵa alý maqsatynda kásipkerlik negizderinen oqý kýrsynan ótken. «Eńbek» jáne «Bıznestiń jol kartasy» memlekettik baǵdarlamalarynyń aıasynda qaıtarymsyz grant qarajatyna ıe bolyp, Qazaly qalasynan «Darııa táttileri» ataýymen shaǵyn kondıterlik ónimder tsehyn ashqan.

Qazirgi kezde 5 balanyń tárbıesimen qatar, aýdan turǵyndaryn tátti ónimderimen qamtamasyz etip otyr. Aldaǵy ýaqytta kásibin ulǵaıtý da josparynda bar.

Kandıdat saılaýshyny «Nur Otan» partııasynyń saılaýaldy baǵdarlamasymen tanystyryp, kásipkerlik bastamalardy qoldaý boıynsha atqarylatyn sharalar týraly baıandady.

Kezdesý barysynda elimizdiń bolashaq urpaqtaryn tárbıelep otyrǵan kópbalaly ana, jas kásipker aldaǵy saılaýda naqty isterdiń partııasyn qoldaıtyndyǵyn bildirdi.

«Nur Otan» partııasy Qyzylorda oblysy, Qazaly aýdanynyń Saılaý qorynyń qarajatynan tólendi.