Máslıhat depýtattarynyń saılaýy ótti
ASTANA. QazAqparat - Respýblıkanyń 14 óńiri boıynsha 59 saılaý okrýginde máslıhattardyń shyǵyp qalǵan depýtattarynyń ornyna saılaý ótti. Bul týraly búgin QR Ortalyq saılaý komıssııasynyń baspasóz hatshysy Venera Jeksembekova málim etti.
«Astana qalalyq máslıhatynyń 1 depýtaty, 7 oblystyq depýtat, 12 qalalyq jáne 39 aýdandyq máslıhattar depýtattary saılandy. Saılaý naýqany barysynda 188 kandıdat usynyldy, olardyń 61-in saıası partııalar, 2-in qoǵamdyq birlestikter usyndy jáne 125-i ózin-ózi usynǵandar. Okrýgtik saılaý komıssııalary máslıhat depýtattyǵyna kandıdat retinde 170 adamdy tirkedi», - dep atap ótti V.Jeksembekova.
Daýys berý 392 saılaý ýchaskesinde ótti. Saılaýshylardyń kelýi alǵashqy málimetterge sáıkes 74,4%-dy qurady.
Daýys berý jáne daýystardy sanaý rásimi barysyn baıqaýdy 686 kandıdattardyń senim bildirgen adamdary, saıası partııalardyń, qoǵamdyq birlestikterdiń jáne BAQ-tyń ókilderi júzege asyrdy.
Saılanǵan máslıhat depýtattarynyń quramynda 44 (74,6%) er adam, 15 (25,4%) áıel adam.
57 depýtat - QR saıası partııalarynyń múshesi, 1-i partııada joq, taǵy 1-i partııaǵa músheligin kórsetpegen.
Olardyń 56-synyń (94,9%) joǵary,1-iniń (1,7%) arnaýly orta jáne 2-iniń (3,4%) orta bilimderi bar.
