Máslıhat depýtattaryn saılaý qashan ótetini belgili boldy

ASTANA. QazAqparat - Qazaqstanda 26 qazanda máslıhat depýtattaryn saılaý ótedi. Bul týraly búgin Ortalyq saılaý komıssııasynda ótken brıfıngte komıssııanyń baspasóz hatshysy Venera Jeksembekova aıtty.

«46 okrýgte 26 qazanda ótetin máslıhat depýtattaryn saılaýǵa qatysty aıtar bolsaq, qazirgi qolda bar málimetter boıynsha 1 qyrkúıekke deıin barlyq oblystyq jáne Astana, Almaty qalalyq saılaý komıssııalaryna máslıhat depýtattyǵyna úmitkerler áli usynylǵan joq», - dep atap ótti OSK ókili.

Aıta keteıik, jýyrda ótetin Senat saılaýyna el máslıhattary 15 úmitker usyndy. Al qalǵan 73 azamat ózin-ózi usyný quqyǵyn paıdalandy. 2 qyrkúıektegi jaǵdaı boıynsha saılaý komıssııalary usynylǵan 88 úmitkerdiń 59-yn tirkep úlgerdi. Olardyń arasynda 5 áıel úmitker bar, úmitkerlerdiń ortasha jasy 53,5 jasty quraǵan.