Máslıhat depýtattary men zańgerler yntymaqtastyq memorandýmyn jasasty

NUR-SULTAN. QazAqparat - «Qazaqstan máslıhat depýtattarynyń birlestigi» men «Qazaqstannyń zańgerler odaǵy» yntymaqtastyq týraly memorandýmǵa qol qoıdy. Halyqqa zańdy túsindirý negizgi baǵyty sanalatyn qujat búgin QR Parlamenti Senatynda rásimdeldi, dep habarlaıdy QazAqparat tilshisi.

«Qabyldanǵan zańdar ómirlik qyzmettiń barlyq salalaryn, ásirese, bilim, densaýlyq saqtaý, áleýmettik máseleler syndy sezimtal máselelerdi qamtyp jatatyny bar. Depýtattarymyzdyń atap ótýinshe, negizinen elimizdiń shalǵaı aýdandarynda azamattardyń bári birdeı bul zańdardyń negizgi erejelerin bile bermeıdi», - dedi senator Asqar Shákirov.

Onyń atap ótýinshe, quqyq qorǵaý tájirıbesinde sheshilýi tıisti máseleler bar.

«Bul quqyqtyq bilimdi tek halyq arasynda ǵana emes, sonymen birge quqyq qoldaný tájirıbesine tikeleı jumyldyrylǵan memlekettik organ qyzmetkerleriniń ortasynda da nasıhattaýǵa qatysty. Jekelegen salaq sheneýnikterdiń áreketinen osy máselelerdiń barlyǵyn jaqsartý maqsatynda qabyldanǵan zańdar joq sııaqty kórinip jatady. Sondyqtan - «Qazaqstan máslıhattary depýtattarynyń birlesigi» men «Qazaqstannyń zańgerler odaǵyna» osy baǵytta kúsh biriktirý usynylǵan edi», - dedi senator.