Máslıhat depýtattary arasynda qos azamattyq deregi anyqtaldy – Senat tóraǵasy
Qazaqstanda qos azamattyǵy bar máslıhat depýtattary da anyqtaldy. Bul týraly Senat tóraǵasy Máýlen Áshimbaev aıtty, dep habarlaıdy QazAqparat tilshisi.
«Mınıstrlik málimetine qaraǵanda, 2022 jyly qos azamattyqtyń 841 deregi anyqtaldy. Al bıyl qańtar-qazan aralyǵynda 525 qos azamattyǵy bar adam anyqtaldy. Qos azamattyǵy barlardyń arasynda jergilikti ókildi organdardyń depýtattary da bolǵan jaǵdaılar bar», - dedi M. Áshimbaev Senattyń jalpy otyrysynda.
Bul turǵyda Senat tóraǵasy elimizde zań talaptaryn buzatyndardy jyldam anyqtaý kerek ekenin aıtty. ıAǵnı elimizdiń Konstıtýtsııasynda qos azamattyqqa tyıym salyǵan.
Budan buryn habarlanǵandaı, jaqynda Іshki ister mınıstrligi qos azamattyǵy bar adamdardy Qazaqstan aýmaǵynan shyǵarýǵa qatysty túsinik berdi.
«Degenmen, Qazaqstan Respýblıkasynyń azamattyq týraly zańnamasyn buzǵany úshin sońǵy bes jylda 3 515 (2018 jyly – 522, onyń ishinde 425-ine aıyppul salynyp, 97-si elden shyǵaryldy. 2019 jyly – 449, onyń ishinde 393-ine aıyppul salynyp, 56-sy elden shyǵaryldy. 2020 jyly – 585, onyń ishinde 543-ine aıyppul salynyp, 42-si elden shyǵaryldy. 2021 jyly – 1118, onyń ishinde 978-ine aıyppul salynyp, 140 elden shyǵaryldy. 2022 jyly - 841, onyń ishinde 703-ine aıyppul salynyp, 138 elden tys jerge shyǵaryldy) adam ákimshilik jaýapkershilikke tartyldy. Olardyń kóbisi – Reseı azamattary. Bul rette qos azamattyq faktileri anyqtalǵan barlyq adam Qazaqstan azamattyǵynan aıyrylady», - delingen vedomstvo málimetinde.
2020 jyly Pavlodar oblysyndaǵy ishki ister organynda qyzmet etken mamanda qos azamattyq bolǵany habarlanǵan edi.
