Máslıhat “Almaty qalasynyń Qurmetti azamaty” ataǵyn berý týraly Erejeni bekitti

Sondaı-aq qalalyq depýtattar jınalysy-máslıhatynyń ІІ sessııasynyń "Almaty qalasynyń qurmetti azamaty" ataǵy týraly" 1994 jylǵy 12 tamyzdaǵy qaýlysynyń kúshi joıyldy dep tanylsyn degen sheshim shyǵardy. Sheshimniń oryndalýyn baqylaý zań, quqyq tártibi, jergilikti memlekettik basqarý jáne ózinózi basqarý máseleleri jónindegi turaqty komıssııaǵa jáne qala ákiminiń orynbasary Serik Seıdýmanovqa júkteldi. Bul sheshim resmı jarııalanǵan kúnnen keıin 10 kúntizbelik kún ótken soń qoldanysqa engiziledi.

"Almaty qalasynyń Qurmetti Azamaty" ataǵyn berý azamattardyń kóp jylǵy jemisti eńbegin, olardyń qabileti men darynyn jáne bastamalaryn qoǵamdyq moıyndaýdy bildiretin mańyzdy moraldyq yntalandyrý bolyp tabylady. Ol azamattardyń eńbek jáne qoǵamdyq belsendiligin arttyrýǵa, olardyń Almaty qalasyn ekonomıakalyq jáne áleýmettik damytýǵa jumsaǵan kúsh-jigerin kótermeleýge, óskeleń jas urpaqty otansúıgishtik rýhta tárbıeleýge jáne halyqtar arasynda dostyqty nyǵaıtýǵa arnalǵan", - deıdi qala ákimi apparatynyń jetekshisi Serik Qusaıynov. Onyń aıtýynsha, bul ataqty berý jylyna 1 ret qala kúnine oraı júzege asyrylady jáne ony berý jylyna 3 azamattan aspaýy kerek. Jalpy "Almaty qalasynyń Qurmetti azamaty" ataǵyn máslıhat qala ákiminiń usynymy boıynsha beretin bolady.