Maskúnemderdi durys emdemeıdi – mınıstr ýchaskelik komıssııa jumysyn synǵa aldy
«Elordada mas kúıinde kisi óltirý faktileriniń 70%, densaýlyqqa aýyr zııan keltirýdiń úshten eki bóligi, árbir ekinshi zorlaý jáne úshinshi buzaqylyq qylmysy jasalady. Ótken jyly Astanada mas qylmyskerlerdiń qolynan 18 azamat qaza tapty», - dep málim etti ol.
Mınıstr sózinshe, búginde elordada mastyǵyn kýálandyrý boıynsha bir ǵana pýnkt jumys isteıdi.
Onda 3 sarapshy ǵana bar. Al bir kúnde olarǵa shamamen 50-70 adam jetkiziledi. Sondyqtan onyń júktemesi shamadan tys kóp.
«Patrýldik jasaqtar quqyqtyq tártipti qorǵaýdyń ornyna bir quqyq buzýshyny tekserýge 2 saǵatqa deıin ýaqyt jumsaıdy. Bul ýaqyt jolǵa, kezekte turýǵa, qorytyndy alýǵa ketedi. Nátıjesinde basqa qońyraýlarǵa ýaqytynda qyzmet kórsetilmeıdi jáne azamattar shaǵymdanady. Sondyqtan medıtsınalyq aıyqtyrǵyshtar sanyn ulǵaıtý qajet. Qalada bar ortalyq tek 20 orynǵa arnalǵan. Jyl basynan munda 3 myń adam jetkizildi», - dep másele kóterdi Marat Ahmetjanov.
Sondaı-aq mınıstr maskúnemdikti emdeý tásilderin qaıta qaraý qajet ekenine toqtaldy.
Onyń málimdeýinshe, qalada 50 orynǵa arnalǵan mamandandyrylǵan emdeý-saýyqtyrý mekemesi bar.
«Jyl basynan beri sot tek 29 adamǵa májbúrlep emdeýdi taǵaıyndady. Bul - eldegi búkil osyndaı sheshimderdiń tek 2 paıyzy. Bul rette elordada esepte 2 myń adam tur. Bul rette men ýchaskelik komıssııalardyń álsiz jumysyn atap ótkim keledi. Sonymen qatar, emdeýdiń áseri de joq. Otbasynda jaljal shyǵarǵandar osyndaı emdeý oryndaryna birneshe ret jiberilgen, biraq shyqqannan keıin ishýdi ári qaraı jalǵastyrady», - dep túıindedi Marat Ahmetjanov.