Maskúnem retinde tirkeýde turǵandardyń árbir besinshisi - áıel
PETROPAVL. QazAqparat – Soltústik Qazaqstan oblysynda alty myńǵa jýyq adam maskúnem retinde narkologııalyq ortalyqta esepte tur, dep habarlaıdy QazAqparat tilshisi.
SQO psıhıkalyq densaýlyq ortalyǵynyń málimetinshe, qazirgi tańda óńirde spırttik ishimdikterge áýes 5 675 adam tirkeýde tur. Bul – 2018 jylmen salystyrǵanda tómen kórsetkish.
«2019 jyly ortalyqta 5 675 adam esepte tursa, 2018 jyly 5 768 adam bolatyn. Bizdiń tirkeýden birqatar talaptar oryndalǵan jaǵdaıda ǵana alynady. Ol úshin patsıentimiz aı saıyn psıhıatr-narkologqa qaralýy tıis. Spırttik ishimdikten bas tartyp, emin jalǵastyrýy kerek. Sondaı-aq psıhologııalyq kómek te alýy qajet», - deıdi oblystyq Psıhıkalyq densaýlyq ortalyǵynyń narkolog dárigeri Elena Sharabar.
Qazir ortalyqta 5 myńnan astam adam esepte tursa, sonyń myńnan astamy – áıelder. Aralarynda bala da bar. 24 jasóspirim narkologtyń baqylaýyna alynǵan.
