Máskeýlikter ómir-jasynyń uzaqtyǵy 75 jyldan asty
ASTANA. 29 aqpan. QazAqparat - Máskeýlikterdiń ómir-jasynyń uzaqtyǵy 75 jyldan asty. Bul týraly Máskeý úkimetiniń otyrysynda astana meri Sergeı Sobıanın málim etti.
«2011 jyly kóptegen shynaıy kórsetkishter boıynsha oń serpinge qol jetkizildi. Ólim-jitim azaıdy, sonyń ishinde ınfarkt, ınsýlt, týberkýlez jáne basqa da áleýmettik aýrýlar qysqardy. 23 jyldyń ishinde alǵash ret Máskeý halqynyń tabıǵı ósimine qol jetkizildi. Máskeýlikterdiń kútilgen ómir-jasy uzaqtyǵy 75 jyldan asty», - dedi mer.
Qala basshysynyń aıtýynsha, bul kórsetkishke densaýlyq saqtaý salasyn jańartý baǵdarlamasyn júzege asyrý arqasynda qol jetkizildi. «Baǵdarlama Reseı Úkimetimen birlesip júzege asyrylýda. 2010 jyly úkimet tóraǵasy Vladımır Pýtınmen federaldyq bıýdjetten astanalyq densaýlyq saqtaý salasyna 50 mıllıard rýbl bólý kelisildi. Osy qarjyǵa qosa jańartý baǵdarlamasy men medıtsına mekemelerin abattandyrýdyń qosymsha sharalaryna eki jylda 125 mıllıard rýblden astam qarjy jumsaldy», - dep atap ótti Sobıanın.
