Máskeýlikter búgin Máskeý metrosyndaǵy lańkestiktiń qurbandaryn eske alady
ASTANA. Sáýirdiń 6-sy. QazAqparat - Kóptegen máskeýlikter búgin, Máskeý metrosynyń «Lýbıanka» jáne «Mádenıet saıabaǵy» stansylaryndaǵy lańkestik áreketterden keıingi toǵyzynshy kúni, jarylys bolǵan jerlerge jınalyp, qaza bolǵandardy eske almaq,
dep habarlaıdy «Maıak» radıosy.
«Lýbıanka» jáne «Mádenıet saıabaǵy» stansylaryndaǵy eki jarylys naýryzdyń 29-y kúni tańerteń, 40 mınýt aralyqpen bolǵan edi. Sońǵy málimetter boıynsha, oqıǵa saldarynan 40 adam qaza bolyp, 90-nan astam adam jaralanǵan. «Lańkestik» baby boıynsha qylmystyq is qozǵaldy. Ázirge 39 adamnyń tulǵasy anyqtaldy, onyń 23-i - er adam, 16-sy -áıel adamdar. Taǵy bir adamnyń tulǵasy ázirge anyqtalǵan joq.
RF Tótenshe jaǵdaılar mınıstrliginiń málimetteri boıynsha, lańkestik áreketterdiń saldaryn joıýǵa jalpy eseppen 657 adam jáne 187 tehnıka tartyldy, , onyń ishinde tótenshe qyzmettiń atynan - 342 adam jáne 100 tehnıka tartyldy.
