Máskeýlikter bir-biriniń mashınalaryn jarýǵa kóshti
ASTANA. 9 jeltoqsan. QazAqparat - Máskeý qalasynda eki kólik júrgizýshisiniń arasynda bolǵan daýdyń nátıjesinde birinshisi ekinshisiniń mashınasyn jaryp jiberdi.
«Eho Moskvy» radıostansasynyń habarlaýynsha, oqıǵa Kýrıanov kóshesinde boldy. «Jıgýlı» markaly eki júrgizýshiniń arasynda janjal týyp, birinshisi ekinshisiniń máshınesine belgisiz bir zatty laqtyrǵannan keıin kólik otqa oranyp, jaryldy. Kólik ıesi zardap shekken joq. Alaıda, sol mańnan ótip bara jatqan kezdeısoq adam jaraqat aldy. Qylmysker oqıǵa ornynan taıyp turdy. Biraq polıtsııa qyzmetkerleri ony quryqtap úlgerdi.
Aıta keteıik, Máskeý qalasynda kólik júrgizýshileri arasyndaǵy janjaldardyń órship ketkeni sonsha, olar jol boıynda bir-birine sıgnal berýge de qorqady. Sebebi ondaı jaǵdaıda kólik ıeleri bir-birine oq jaýdyrǵan oqıǵalar bolǵan.
