Máskeýlikter Astana qalasy men «Úshqońyr» ánine tánti boldy

MÁSKEÝ. QazAqparat - Reseı astanasyndaǵy Kreml saraıynda qazaqstandyq ánshilerdiń qatysýymen Reseı jáne Tatarstannyń halyq ártisi Renat Ibragımovtyń mereıtoılyq kontserti ótti, dep habarlaıdy QazAqparat tilshisi. 

Buǵan deıin habarlanǵandaı, kontsertte Roza Rymbaeva men tanymal ánshi Erjan Nurǵalıev jáne Renat Ibragımov trıosy  Elbasy Nursultan Nazarbaevtiń sózine jazylǵan «Úshqońyr» ánin shyrqaǵan bolatyn.

«Biz ekrandaǵy Qazaqstan Astanasynyń sulýlyǵy men qazaq tilinde shyrqalǵan ánniń áýezine tánti boldyq. Roza Rymbaeva men tanymal jas ánshi Erjan Nurǵalıev jáne Renat Ibragımov trıosy ándi joǵary deńgeıde oryndady»,-dedi tyńdarman qaýym.
 

 «Po morıý jıznı» dep atalatyn avtobıografııalyq kitap jelisiniń negizinde daıyndalǵan merekelik baǵdarlamaǵa áıgili ánshiniń alys jáne shaqyn sheteldegi dostary men áriptesteri qatysty

Olardyń arasynda  tanymal kompozıtorlar men ánshiler bar. Atap aıtqanda, Aleksandra Pahmýtova, Marat Basharov, Olga Kabo, Evgenıı Voskresenskıı, Roza Rymbaeva, Anatolıı ıArmolenko («Sıabry»), Farýh Zakırov («ıAlla»), Dına Garıpova, Marı Karne, Margarıta Pozoıan, Erjan Nurǵalıev, Ksana Sergıenko, «Tenora HHI veka» ujymy, Kazan World jáne basqa da óner juldyzdary.
 

Aýqymdy kontsert  Kreml saraıynda ótti. Án keshin Tatarstan Respýblıkasynyń kameralyq hory men RF FQQ Ortalyq shekara ansambli súıemeldedi.