Máskeýlikter Ál-Qudysty qoldaý sherýine qatysady
ASTANA. 7 maýsym. QazAqparat - Búgin jáne erteń, ıaǵnı, maýsymnyń 7-i jáne 8-i kúnderi «Ál-Qudysty qoldaýdyń búkil álemdik sherýi» dep atalatyn, Palestına halqyna kórsetilip otyrǵan ozbyrlyq pen óktemdikke qarsy asa aýqymdy narazylyq sharasyna máskeýlikter de qatysatyn boldy.
Atalmysh sherýdi «Ál-Qudys úshin búkil álemdik odaq» músheleri uıymdastyryp otyr. Osymen úshinshi ret túrli ult pen ulystardan turatyn, nanym-senimi de ózge, saıası kózqarastary ár alýan belsendiler judyryqtaı jumylyp, kıeli qalany, onyń dinı, tarıhı, mádenı mańyzy zor qundylyqtaryn qoldaý úshin kóshege shyǵady. Ótken joly Palestına halqyna qoldaý bildirý úshin álemniń túkpir-túkpirinen 400-ge jýyq qala turǵyndarynyń osynaý ǵalamdyq sherýge qatysqanyn aıta ketý kerek. Bul týraly Astanadaǵy Áziret Sultan meshitiniń resmı saıtynda habarlanǵan.
Toqtala ketetin jaıt, Palestına prezıdenti Mahmýd Abbas «Ál-Qudystan jóıtter ketpeıinshe aımaqta tynyshtyq ornamaıtynyn» málimdegen bolatyn. «Ol bul málimdemesin sársenbi kúni ótken 4-shi Ál-Qudys konferentsııasynda jasady. Ol óz sózinde Izraıldiń Ál-Qudysty ıýdeılendirý saıasatynan saqtap qalýǵa tek palestınalyqtar ǵana emes, sonymen qatar, álem jurtshylyǵy da jaýapty ekenin eske salyp ótti. Sondaı-aq, ol álem jurtshylyǵyn mıllıondar sherýine qatysyp, jóıtterdiń zorlyq-zombylyǵynan kóz ashpaı otyrǵan palestınalyqtarǵa qoldaý kórsetýge shaqyrdy», - dep jazady muslim.kz.
