Máskeýlik baspa Abaı Qunanbaevtyń óleńder jınaǵyn shyǵarýǵa ázirlenýde
ASTANA. 14 mamyr. QazAqparat - Máskeýlik «Alpına non-fıkshn» baspasy qazaqtyń aqyny, fılosof, kompozıtor jáne aǵartýshy Abaı Qunanbaevtyń óleńder jınaǵyn shyǵarýdy josparlaýda, dep jazady «Gazeta.Ru».
Chıstoprýdnyı býlvarynda ornatylǵan Abaı eskertkishi janynda birneshe kún boıy oppozıtsııanyń «kópshilik serýeni» ótip jatyr. Áleýmettik jelilerde is-shara «Okkýpaı Abaı» atymen keńenin tanymal.
Jınaqty basyp shyǵarý josparlary týraly «Gazeta.Ru»-ǵa jazýshy Sergeı Shargýnov aıtyp berdi.
«Iá, Abaı Qunanbaev óleńderiniń jınaǵyn basyp shyǵarýǵa daıyndyq júrýde. Bul týraly men baspanyń basshysymen sóılestim», - dedi Shargýnov.
Abaı Qunanbaev eskertkishi - Qazaqstannyń Máskeýge jasaǵan syılyǵy. Eskertkishti ornatý týraly sheshim Nursultan Nazarbaevtyń 2005 jylǵy qańtardaǵy Reseıge resmı saparynyń aıasynda, Vladımır Pýtınmen kezdesýi kezinde qabyldandy. 2006 jylǵy sáýir aıynda onyń ashylý saltanatyna eki eldiń basshylary qatysty.
2012 jyldyń 8 mamyrynan eskertkish aınalasyndaǵy aýmaq oppozıtsııany jaqtaǵan azamattardyń «kópshilik serýeni» ornyna aınaldy. Occupy Wall Street-ke uqsas bolǵandyqtan ol áleýmettik jelilerde «Okkýpaı Abaı» dep atalyp ketti.
