Máskeýge ushyp bara jatqan Boeing jolaýshylar ushaǵynda dúrbeleń týdy
ASTANA. QazAqparat - Samara-Máskeý baǵytyndaǵy jolaýshylar ushaǵy aspanda ushyp bara jatqan kezinde onyń salonynda germetızatsııasyzdaný oryn aldy dep habarlaıdy Interfaks.
Máskeýdegi áýe dıspetcherleri qyzmetteriniń habarlaýynsha, Vnýkov áýejaıyna qonǵanǵa deıin shamamen 20 mınýt ýaqyt qalǵanda ushaq bortynda germetızatsııasyzdaný oryn alǵany týraly áýe kemesiniń komandıri habarlaǵan. Nátıjesinde ushaqty 7 myń metr bıiktikten 3 myń metr bıiktikke tómendetý týraly sheshim qabyldandy.
Ushaq Máskeýge aman-saý qondy. Jolaýshylar men ekıpaj músheleri arasynda oqıǵadan zardap shekkender joq.
Aıta keteıik, ushaqtyń nemese ǵarysh korabliniń kabınasynyń germetızatsııasyzdanýy saldarynan ondaǵy ottegi kólemi azaısa, bul jolaýshylar men ekıpajdyń ajal qushýyna ákeledi.
