Máskeýge shuǵyl qonǵan «London-Nur-Sultan» reısiniń jolaýshylary saparlaryn jalǵastyrdy
NUR-SULTAN. QazAqparat - 28 maýsymda túngi saǵat birge taıaý Máskeýge májbúrli túrde qonǵan «London-Nur-Sultan» reısiniń jolaýshylary azdaǵan kidiristen keıin elordaǵa ushyp shyqty, dep habarlaıdy QazAqparat tilshisi.
Eske sala ketsek, buǵan deıin «Eır Astana» ushaǵy máskeýlik Sheremetevo áýejaıyna májbúrli túrde qonǵany málim etilgen bolatyn.
«28 maýsymda «Eır Astana» áýe kompanııasynyń «London-Nur-Sultan» baǵyty boıynsha KS 942 reısin oryndaǵan ushaǵy eki generatordyń biriniń isten shyǵýy saldarynan jumys istemeı turǵan QKB (qosalqy kúshtik bekitpe) jaǵdaıynda Máskeý ýaqytymen saǵat 00:18-de shuǵyl túrde qondy», - dep habarlanǵan bolatyn kompanııanyń baspasóz qyzmetinen.
Búgin áýe kompanııasy atalmysh reıstiń jolaýshylary Nur-Sultan qalasyna ushyp shyqqanyn aıtty.
«Búgin túnde Sheremetevodaǵy áýejaıǵa qonǵan London-Nur-Sultan reısiniń jolaýshylary búgin Almaty ýaqyty boıynsha saǵat 13:31 kezinde qosymsha reıs arqyly ushyp shyqty. Bortta 70 adam bar. 23 jolaýshy atalmysh reısten buryn «Máskeý-Almaty» reısimen ushyp ketti», - dedi «Eısr Astana» áýe kompanııasynyń baspasóz qyzmetinen.
