Máskeýge bet alǵan áýe reısi Qaraǵandyda birneshe saǵat bógelip qaldy
QARAǴANDY. QazAqparat - Tehnıkalyq aqaýlarǵa baılanysty «Aeroflot» áýe kompanııasynyń «Qaraǵandy-Máskeý» reıs borty Qaraǵandynyń «Saryarqa» áýejaıynan usha almady, dep habarlaıdy QazAqparat tilshisi.
«Tehnıkalyq sebepter. Naqty ne ekenin aıta almaımyn. Ushaq óz ýaqytymen jetip, tańǵy altyda sátti qonǵan. Ekıpaj sheshimimen jolaýshylar úsh saǵat boıy ushaq salonynda otyrdy. Odan keıin áýe reısin keıinge qaldyrý týraly sheshim qabyldandy», - dep tasymaldaý basshysynyń orynbasary Ásel Elýbaeva pikir bildirdi. - Onda 130 jolaýshy bolǵan. Keı jolaýshylar úılerine qaıtty, al qalǵandaryn qonaq úıge ornalastyrý jumystary júrgizilýde. Oqys jaǵdaı árıne, degenmen tezirek retteýge tyrysamyz».
Áýejaıdyń habarlaýynsha, áýe reısi 17:30-da kókke kóteriledi. Ushaq tekserýge jiberilip, ornyna ózge bort keledi dep kútilýde. Boljam boıynsha, ushaqtyń júk bóliginiń gıdravlıkasy qatyp qalýy múmkin.
