Máskeýdiń qurylys alańyndaǵy órt: úsh adam qaza tapty

ASTANA.KAZINFORM — Máskeýdiń soltústiginde salynyp jatqan kóp qabatty ǵımaratta órt shyqty, dep habarlaıdy TASS.  

— Sońǵy málimetter boıynsha, 31 adam qutqaryldy, jeti adam jaraqat aldy, úsheýi qaza tapty. Ǵımarattyń ekinshi qabatynan qutqarý jumystary jalǵasyp jatyr, — dep habarlady Reseı Tótenshe jaǵdaılar mınıstrliginiń baspasóz qyzmeti.

Ǵımarat ishinde 200-den astam adam bolýy múmkin.

Órtke eń joǵary deńgeıli kúrdelilik, besinshi dáreje berildi. 120-dan astam adam jáne 30 tehnıka jumyldyryldy.

Aldyn ala málimet boıynsha, órttiń sebebi jumysshylar kabınasyndaǵy elektr panelindegi qysqa tuıyqtalý bolýy múmkin.

— Bul oqıǵa boıynsha protsedýralyq tergeý barysy men nátıjesin prokýratýra baqylap otyr, — dep habarlady Máskeý prokýratýrasynyń baspasóz qyzmeti.

Jaýǵan qar men jel órt sóndirý jumystaryna kedergi keltirip jatyr.

Buǵan deıin Máskeýge jaýǵan qar shamamen 150 jyl burynǵy rekordty jańartqany habarlanǵan bolatyn.