Máskeýdiń birneshe aýdany jaryqsyz qaldy
ASTANA. KAZINFORM — 18 tamyz kúni keshke Máskeýdiń ońtústik-batysyndaǵy birneshe aýdanda jaryq sónip qaldy, onyń sońy ınternet jelisiniń buzylýyna ákeldi.
Mamandardyń aıtýynsha, elektr qýatynyń az ýaqytqa óship qalýy qýat kózderiniń tehnologııalyq aýysýymen baılanysty.
— Qazirgi ýaqytta tutynýshylarǵa elektr qýaty ádettegideı berilip jatyr, — dep habarlady Máskeý qalalyq kommýnaldyq qyzmetter arnasy.
Elektr qýatynyń úzilýi tramvaı qyzmetine de kedergi keltirdi.
Sonymen qatar, Reseıdiń birneshe aımaǵynyń turǵyndary ınternet durys berilmeýine shaǵymdandy. Atap aıtqanda, bank klıentterinen, onlaın kınoteatrlardan jáne telekommýnıkatsııa operatorlarynan shaǵym tústi.
Buǵan deıin Tájikstan men Qyrǵyzstan aýdandary jappaı elektr qýatynsyz qalǵan edi.
