Máskeýdiń vokzaldarynda jarylǵysh zattar tabylmady
ASTANA. 6 aqpan. QazAqparat - Máskeýdiń Lenıngrad jáne ıAroslav vokzaldarynda jarylǵysh zat qoıyldy degen aqparat jalǵan bolyp shyqty, dep jazady Lenta.rý.
Mılıtsııa vokzaldardy jiti tekserip, eshqandaı kúdikti zattardy tapqan joq, dep habarlady quqyq qorǵaý organdaryndaǵy derekkózine silteme jasaǵan "Interfaks" aqparat agenttigi. Eki vokzal da qalypty tártipte qyzmet etýde.
Jarylǵysh zat qoıylǵany týraly belgisiz qońyraý mılıtsııaǵa jeksenbi kúni tańerteń kelip tústi. Vokzaldardaǵy adamdar qaýipsiz jerge jetkizildi. Reseı temirjolynyń ókili habarlaǵandaı, dep jazady RIA Novostı , arnaıy sharalar poıyzdardyń júrý kestesine tosqaýyl bolǵan joq. Jolaýshylar vagondarǵa vokzalǵa kirmesten, otyra berdi.
Quqyq qorǵaý organdarynda habarlaǵandaı, Lenıngrad jáne ıAroslav vokzaldaryndaǵy jarylǵysh zat týraly alǵashqy aqparattan keıin, Máskeýdiń ózge de vokzaldarynda osyndaı jarylǵysh zattar bar degen aqparattar kelip tústi. Mılıtsıonerler tekserý jumystaryn bastap ketti. Temirjol vokzaldarynan bólek, avtovokzaldar da jiti tekserilýde.
