Máskeýdiń úzdik balalar reanımatologtary astanalyq dárigerlerdi oqytýda
ASTANA. QazAqparat - 24 jeltoqsan men 4 qańtar aralyǵynda Astana qalasynyń Densaýlyq saqtaý basqarmasynyń shaqyrýymen elordalyq dárigerler balalar reanımatologııasy men qarqyndy terapııa tálimgerlik baǵdarlamasy boıynsha oqytýdan ótýde.
Balalar statsıonarlarynyń mamandaryn Máskeý qalasynan kelgen balalar reanımatologııasy men qarqyndy terapııa salasyndaǵy úzdik mamandar oqytýda.
Bizdiń dárigerlerimizdiń tálimgerleri - N.I.Pırogov atyndaǵy Reseı ulttyq zertteý medıtsınasy ýnıversıtetiniń balalar anestezıologııasy jáne qarqyndy terapııa kafedrasynyń meńgerýshisi, m.ǵ.d., professor V.Lazarev pen balalar anestezıolog-reanımatology, pedıatrııadaǵy sımýlıatsııa boıynsha Halyqaralyq tobynyń koordınatory Ýgo Karlos Loaısa Levano.
Tálimgerliktiń basymdyǵy jumys ornynda tájirıbe bólimine basymdyq berip oqytý múmkindiginiń bolýynda, dep habarlaıdy Astana qalalyq Densaýlyq saqtaý basqarmasynyń resmı portalynan.
Shaqyrylǵan reseılik qonaqtardyń merekelik jańajyldyq kúnderi de jumys istegenin atap ótý kerek.
Oqytý astanalyq densaýlyq saqtaý basqarmasynyń pedıatrııa qyzmetin damytý baǵdarlamasynyń aıasynda ótkizilip otyr.
