Máskeýdiń taǵy bir azamaty áıelin óltirip, denesin bólshektep tastady
ASTANA. 18 qańtar. QazAqparat - Máskeýde óziniń áıelin óltirip, denesin bólshektedi dep kútiktelgen er adam ustaldy. Ol qylmysyn moıyndady.
«12 qańtar kúni iz-túzsiz joǵalyp ketken áıeldiń tanysy polıtsııaǵa aryzben keldi.Aldyn ala tekseris barysynda-aq izim-ǵaıym joǵalǵan áıeldiń 51 jastaǵy kúıeýi qylmysyn moıyndady. Ol 2 qańtar kúni, túngi saǵat eki shamasynda Zaporojskaıa kóshesindegi óz úıinde, áıelin jaqtyrmaý sezimderi bolýy sebepti onyń jelkesine balǵamen birneshe ret soqqy jasaǵan», - dep habarlaıdy NEWSru.com.
Keıin áıeldiń denesin jýyný bólmesine alyp baryp, qol ara men pyshaqtyń kómegimen múrdeni bólshektegen. Odan ári bólshektelgen máıitti tselofan paketterine salyp, Máskeý oblysynyń ártúrli mekenjaılary boıynsha tastap ketken.
Eske salaıyq, qoǵamda úlken dúrbeleń týdyrǵan osyǵan uqsas oqıǵa qańtar aıynyń basynda Máskeýde Kabanovtar otbasynda boldy. Radıostansylardyń birinde jumys istegen úsh balanyń anasy Irına Kabanova otbasylyq janjaldan keıin 3 qańtar kúni iz-túzsiz joǵalyp ketti.
Áıeliniń joǵalǵandyǵy týraly polıtseılerge onyń kúıeýi - Alekseı Kabanov habarlady. 11 qańtar kúni Irınanyń dene músheleri Kabanovtyń tanys áıeline tıesili mashınadan tabyldy. Osydan keıin Kabanov qylmysty jasaǵandyǵyn moıyndady.
