Máskeýdiń soltústik shyǵysyndaǵy qoımada bolǵan iri órt sóndirildi
ASTANA. QazAqparat - Máskeýdiń soltústik-shyǵysyndaǵy Polıarnaıa kóshesinde ornalasqan qoıma ǵımaratynda shyqqan iri órt sóndirildi. Bul týraly TASS-qa Máskeý qalalyq TJM BB baspasóz qyzmeti habarlady.
«Qazirgi tańda órt sóndirildi», - dedi agenttiktiń derekkózi.
TJM deregi boıynsha, Reseı TJM Máskeý boıynsha Bas basqarmasy Daǵdarysty jaǵdaıdy basqarý ortalyǵynyń kezekshi bólimine Polıarnaıa kóshesindegi eki qabatty ǵımaratta shyqqan órt týraly habarlama 16 tamyz kúni saǵat 23:04-te túsken. Órttiń kúrdeliligi boıynsha múmkin bolǵan bes nómirdiń úshinshi nómiri berilip, órt sóndirýge eki tikushaq jumyldyryldy. Tilsiz jaý 15 myń tekshe metr aýmaqty sharpyp úlgergen. Eshkim zardap shekpedi.
