Máskeýdiń ońtústiginde 7 qabatty ǵımarat opyrylyp qulady
ASTANA. 17 sáýir. QazAqparat - Máskeýdiń ońtústiginde sáýirdiń 16-synan 17-sine qaraǵan túni jańadan salynyp jatqan 7 qabatty ǵımarat opyrylyp qulady, dep habarlady Ýtro. rý.
Elordalyq TJM MM-niń baspasóz qyzmetinen habarlanǵandaı, oqıǵa týraly habar máskeý ýaqyty boıynsha 01.46-da tústi.
Qırandylardyń aýmaǵy 2,5 myń-nan astam sharshy metrdi qurady. Úıindilerdiń astynan 11 adamdy alyp shyqty, olardyń 10-y aýrýhanaǵa jetkizildi. Taǵy bir adam kóz jumdy.
Adamdardy izdeý jumystaryn 25 órt sóndirý-qutqarý jasaqtary jáne kınologtardyń 4 jasaǵy júrgizdi. Tańǵy saǵat 5-ke qaraı TJM-nen habarlanǵandaı, zardap shekkenderdiń barlyǵy úıindilerdiń astynan shyǵaryldy.
ІІD-niń bergen málimetine qaraǵanda, olardyń deni 19 ben 25 jas aralyǵyndaǵy qurylysshylar bolyp tabylady. Olarǵa bas súıek-mı jáne kóz jaraqaty dıagnozdary qoıyldy.
TJM MM-niń Máskeý boıynsha basshysynyń orynbasary Ilıa Denısov jýrnalısterge málim etkendeı, «Greıfer» tájirıbelik-eksperımenttik zaýyt» AAQ aýmaǵynda ornalasqan ǵımarat bıznes-ınkýbator retinde salynyp jatty.
