Máskeýdiń Mıtıno aýdanynda meshit salǵyzbaı qoıdy
ASTANA. 21 qyrkúıek. QazAqparat - Máskeý qalasynyń Qala qurylysy jáne jer komıssııasy Mıtıno aýdanynda meshit pen ıslam gýmanıtarlyq ortalyǵyn salýdy toqtatý jóninde sheshim qabyldady. Bul týraly RIA jańalyqtar habarlaıdy.
Máskeý úkimeti men meriniń baspasóz qyzmeti jýrnalısterge qurylystyń «Mıtınodaǵy keıbir turǵyndardyń narazylyǵy boıynsha» toqtatylǵanyn málimdegen. Qala qurylysy jáne jer komıssııasy jaýapty adamdarǵa jergilikti turǵyndardyń pikirin eskere otyryp, meshitke basqa oryn qarastyrýdy tapsyrypty.
"Nezavısımoı gazetanyń" jazýynsha, 19 qyrkúıek kúni Mıtıno turǵyndary alańǵa jınalǵan, keıinnen ol stıhııalyq mıtıngige aınalǵan. Sharaǵa shamamen 2 myńdaı atam qatysypty. Olardyń eń qatty narazylyǵyna ushyraǵany - meshittiń bıiktigi 35 metr bolatyn munarasy kórinedi (bul 13 qabatty úıdiń bıiktigi). Al Regnum aqparat agenttiginiń habarlaýynsha, Máskeýdiń Soltústik-batys ákimshilik aýmaǵynyń prefektisi Vladımır Goverdovskıı keıinirek bul málimetti joqqa shyǵarǵan. Onyń aıtýynsha, bul meshit Reseıdegi eń kishkentaı meshit bolar edi.
