Máskeýden ushqan ushaqtyń shassıi durys túspeı, apatty jaǵdaıda Praga áýejaıyna qondy
ASTANA. 14 mamyr, QazAqparat - «Aeroflot» áýekompanııasynyń A-320 ushaǵy shassıi durys túspeı, apatty jaǵdaıda Praga áýejaıyna qondy. RBK málimetinshe, bul týraly áýe dıspetcherlik qyzmettegi derekkóz habarlaǵan.
Onyń aıtýynsha, qoný barysynda shassıdiń negizgi tireýindegi dóńgelekter synyp ketken. Máskeýden ushqan A-320 ushaǵynyń bortynda 70 jolaýshy bolǵan, oqıǵa saldarynan zardap shekkender joq. Áýekompanııa bul aqparatty rastady.
