Máskeýden kele jatqan ushaq qozǵaltqyshyna qus keptelip qaldy
ASTANA. QazAqparat - Máskeýden shyǵyp Tomsk áýejaıyna qonǵan Airbus A321 jolaýshylar ushaǵynyń qozǵaltqyshyna qus keptelip, laınerdiń qaıta ushýy 1 kúnge shegerildi, dep habarlady RIA Novostı.
"Aeroflot" reısi Tomskiden Máskeýge 10:20-da (jergilikti ýaqytpen) ushýy tıis bolǵan. Tótenshe jaǵdaıǵa baılanysty senbi tańyna deıin, shamamen bir táýlikke keıinge shegerildi. Jolaýshylardyń bir bóligi qonaq úıge ornalastyrylady.
Buǵan deıin «Aeroflottyń» enshiles "Pobeda" loýkosteriniń bas dırektory Andreı Kalmykov Reseı áýejaılarynyń qustardan qorǵaý deńgeıi tómen ekenin málimdegen bolatyn. Onyń aıtýynsha, kompanııa apta saıyn qustarmen soqtyǵysý oqıǵalaryn tirkeıdi.
