Máskeýdegi jataqhanada órt shyǵyp, segiz mıgrant qaza tapty

MÁSKEÝ. QazAqparat – Reseı astanasy Máskeýdiń ońtústigindegi «Almaty kóshesindegi hostelde» jataqhanasynda órt shyǵyp, segiz adam qaza tapty. Segiz adam qutqarylyp, 200-i evakýatsııalandy, dep habarlaıdy QazAqparat TASS-qa silteme jasap.

«Jataqhana Almaty kóshesi, 7 úı, 2 ǵımaratta ornalasqan. Qazirgi ýaqytta segiz adamnyń qaza taýyp, úsheýin dárigerler qarap jatqany belgili boldy. Qaza tapqandardyń barlyǵy mıgranttar. Olardyń azamattyǵy anyqtalyp jatyr. Úıindiniń asty tekserilýde. Órtti sóndirdi, 150 sharshy metrlik úsh bólme men dáliz janǵan», - dedi jedel qyzmettegi derekkóz.

TJM baspasóz qyzmetiniń málimetinshe, órt týraly habar Máskeý ýaqytymen beısenbi kúni saǵat 23:58-de túsken. Órtti 20 mınýtta aýyzdyqtaǵan. «Mosgaz» AQ baspasóz qyzmetiniń málimetinshe, bul ǵımaratqa gaz tartylmaǵan.

«Boljammen, órt týraly kesh habarlaǵannan, ony ózdiginen sóndirmek bolǵannan kóp adam qaza tapqan», - dedi jedel qyzmettegi derekkóz.

Kýágerler Almaty kóshesindegi kópqabatty úıdegi hostel 2019 jyldyń mamyrynda turǵyndardyń kelisiminsiz ashylǵanyn habarlady.

Foto: tass.ru