Máskeýdegi jappaı tártipsizdikterge qaramastan Qurban aıt meıramy tıisinshe atap ótiledi - Reseı Múftıler keńesiniń tóraǵasy
ASTANA. 14 qazan. QazAqparat - Reseı Múftıler keńesiniń tóraǵasy Rýshan Ábbásovtyń pikirinshe, Máskeýdiń Bırıýlevo aýdanynda oryn alǵan tártipsizdikter astanadaǵy Qurban aıt merekesiniń toılanýyna esh áser etpeıdi, dep habarlaıdy Vestı. rý.
«Sonyń kesirinen aıt merekesi toılanbaı qalady dep aıta almaımyn. Biz oǵan kóp daıyndaldyq. Quqyq qorǵaý organdarynyń kómegimen, bárimiz jumyla musylmandar merekesin abyroıly atap ótemiz dep úmittenem», - dedi múftı.
Vestı.Ru saıty Qurban aıt merekesiniń toılanýyn Máskeý meshitinen tikeleı kórsetetin bolady.
Reseı astanasynyń Bırıýlevo Zapadnoe aýdanynda 13 qazan kúni jappaı tártipsizdikter oryn aldy. Oǵan Soltústik Kavkaz týmasynyń jergilikti turǵyndy óltirýi sebep boldy. Eske sala keteıik, jergilikti polıtsııa ereýildegen halyqty tynyshtandyrý barysynda 400-deı adamdy tutqyndady.
