Máskeýdegi Vnýkovo áýejaıynda eki Boeing ushaǵy soqtyǵysty
MÁSKEÝ. QazAqparat - Vnýkovo áýejaıynda tirkep súıreý kezinde "Reseı" jáne Azur Air áýe kompanııalarynyń ushaqtary soqtyǵysyp qaldy, dep habarlaıdy TASS.
Reseı TK Máskeýlik kóliktegi óńiraralyq tergeý basqarmasynyń ókili Larısa Markovetstiń aıtýynsha, Vnýkovo áýejaıynda eki Boeing ushaǵy soqtyǵysqan. Aldyn ala málimetke qaraǵanda, olar tirkep súıreý kezinde bir-birine qanatarymen ilinisip qalǵan.
Oqıǵa saldarynan eshkim zardap shekken joq. Azur Air áýe kompanııasy ushaǵynyń oń jaq qanaty, al «Reseı» áýe kompanııasynyń ushaǵynyń stabılızatory zaqymdanǵan.
Markovetstiń sózine qaraǵanda, tergeýaldy tekseris bastaldy. Oqıǵa ornynda tergeýshiler keleńsiz jaǵdaıdyń sebep-saldaryn anyqtaý jumystaryn júrgizip jatyr.
