Máskeýdegi saılaý ýchaskesinde 900-den astam qazaqstandyq daýys berdi (FOTO)
MÁSKEÝ. QazAqparat - Máskeýdegi saılaý ýchaskesinde azamattyq belsendiliktiń joǵary deńgeıi baıqalýda. №215 ýchaskelik saılaý komıssııasynyń tóraǵasy, RF-daǵy QR Elshiliginiń Keńesshi-Elshisi Vıktor Temirbaev habarlaǵandaı, qazir Máskeýde 900-den astam qazaqstandyq daýys berdi.
«Qazirgi ýaqytta Reseıde barlyǵy 2200-den astam qazaqstandyq daýys berdi», - dedi V.Temirbaev.
Máskeýdegi ýchaskelik saılaý komıssııasynyń tóraǵasy atap ótkendeı, Ombydaǵy saılaý ýchaskesinde daýys berý aıaqtaldy.
«Ombyda daýys bergenderdiń jalpy sany 471 adamdy (97,04%) qurady. RF boıynsha ózge saılaý ýchaskeleri jumysyn jalǵastyryp jatyr», - dep habarlady V.Temirbaev.
