Máskeýdegi «RIO» saýda ortalyǵy órtenip jatyr
ASTANA. QazAqparat - Máskeýdegi Dmıtrovskoe shossesindegi 163A, 1-inshi korpýsta ornalasqan «RIO» saýda ortalyǵy órtenip jatyr. Bul týraly Máskeý boıynsha TJQ baspasóz qyzmeti habarlady.
«17.39-da habar tústi. Evakýatsııa júrip jatyr. Qazirgi ýaqytta zardap shekkender jaıly málimet túsken joq. 17.50-de № 2 deńgeıindegi órt jarııalandy. Jalyn sharpyǵan aýmaq eseptelýde,-dep málim etti vedomostvodan.
«RIO» saýda ortalyǵyndaǵy Burger King meıramhanasynyń dırektory Aleksandr Ivanovtyń RBK agenttigine aıtýynsha, órt oshaǵy -mata dúkeni. Qoıý tútinge baılanysty saýda ortalyǵynan barlyq adam evakýatsııalandy. Qap-qara tútin, lapyldaǵan jalynnan eshteńe kórinbeıdi. Qazir onda ne bolyp jatqany, órtti sóndirýdiń sáti tústi me, bizge belgisiz»,- dep qosty ol.
